-
Përktheu:
Blerta Haxhiu
- 24 prill 2026 14:35
- Shpërndaje në:
Sekretari amerikan i Mbrojtjes, Pete Hegseth, ka hapur konferencën për shtyp në një stil të ngjashëm me ato të mëparshmet, duke theksuar suksesin ushtarak të SHBA-së ndaj Iranit dhe duke deklaruar se Irani ka mundësinë të arrijë një “marrëveshje të mirë”.
Ai tha se bllokada në Ngushticën e Hormuzit po “rritet” dhe se është “zgjeruar globalisht”, duke iu referuar kapjes së dy anijeve iraniane të ashtuquajtura pjesë e “flotës së errët”.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Sot ne jemi në kontroll; asgjë nuk hyn, asgjë nuk del”, deklaroi ai, duke shtuar se deri tani 34 anije janë kthyer mbrapsht nga hyrja në Ngushticë.
Hegseth përsëriti gjithashtu deklarata të mëparshme, duke folur për marinën iraniane “të fundosur në fund të detit” dhe duke lavdëruar vendosmërinë e presidentit Donald Trump.
“Kjo nuk duhet të jetë vetëm një luftë e Amerikës”, tha ai, duke theksuar se Evropa dhe Azia përfitojnë më shumë nga Ngushtica e Hormuzit sesa SHBA-ja.
Ai u bëri thirrje udhëheqësve evropianë që të kenë “më pak konferenca të zbukuruara… dhe të dalin në terren”.
“Kjo është më shumë lufta e tyre sesa e jona”, tha Hegseth, pavarësisht faktit se SHBA është e përfshirë drejtpërdrejt.
