-
Përktheu:
Flutura Gashi-Mehmeti
- 11 shtator 2024 15:36
- Shpërndaje në:
Ministri i Jashtëm iranian, Abbas Araqchi ka deklaruar të mërkurën se Teherani nuk ka dërguar raketa balistike në Rusi.
Deklarata e tij në X vjen një ditë pasi sekretari amerikan i Shtetit, Antony Blinken, deklaroi në Londër se Irani e ka furnizuar Rusinë me raketa të tilla dhe se shumë shpejt pritet që ato të përdoren për të sulmuar Ukrainën.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoSipas Araqchit, sanksionet e vendosura ndaj Iranit nga SHBA-ja dhe tri superfuqitë evropiane nuk do të zgjidhnin problemet mes tyre.
"Edhe një herë, SHBA-ja dhe E3 po veprojnë mbi inteligjencën e gabuar dhe logjikën e gabuar. Irani NUK ka dorëzuar raketa balistike në Rusi. Sanksionet nuk janë zgjidhje, por pjesë e problemit”, ka shkruar Araqchi në një postim në X.
E3 përbëhet nga Britania, Gjermania dhe Franca.
Sekretari amerikan i Shtetit, Antony Blinken ka thënë të martën se bashkëpunimi midis Moskës dhe Teheranit kërcënon sigurinë më të gjerë evropiane.
Edhe Kremlini hodhi poshtë të mërkurën raportet se Irani kishte dërguar raketa në Rusi, duke thënë se pretendimet për transferime të ndryshme armësh janë të pabaza.