Mirlind Daku ka shënuar gol për Rubin Kazanin që barazoi 2:2 me Akron Togliattin, të shtunën. Ndeshja ishte e vlefshme për xhiron e nëntë të elitës ruse. Akroni ishte në epërsi 2:0 pas pjesës së parë, ndërsa trajneri i Rubinit, Rashid Rakhimov, ka lënë të kuptohet se nuk ishte i kënaqur me paraqitjen e kosovarit gjatë 45 minutave të parë.
“Nuk kishte dëshirë për ta zëvendësuar atë, por padyshim që pati kritika të ashpra ndaj tij”, ka thënë Rakhimov për “matchtv.ru”.
I pyetur për më shumë detaje, Rakhimov, ka thënë: “Është çështje e brendshme për ekipin tonë. Kishim pritshmëri të tjera prej tij. Pastaj ai doli në fushë dhe shfrytëzoi rastin. Ai duhet ta kuptojë se është një nga liderët e ekipit dhe duhet të jetë stabil”, ka thënë Rakhimov.
Në konferencë për shtyp Rakihmov është pyetur për gjendjen emocionale të Dakut, të cilit i vdiq gjyshi javë më parë.
“Çdo gjë është në rregull. Diçka pozitive ndodhi për të, pasi i vdiq gjyshi. Ai është martuar. Por ka nënshkruar kontratë martese dhe për këtë ndoshta është i mërzitur”, ka thënë Rakhimov duke qeshur.
Sulmuesi i Shqipërisë, Daku, i k a tetë gola në nëntë paraqitje kampionale.