Gjashtë persona kanë pësuar lëndime trupore në një aksident trafiku të dielën në fshatin Leshan të Pejës.
Policia e Kosovës i tha KOHËS se në aksidentin që ka ndodhur rreth orës 16:30 janë përfshirë tri vetura.
Të lënduarit janë dërguar në Spitalin Rajonal të Pejës për trajtim mjekësor.
Në vendin e ngjarjes kanë dalë ekipet policore.
“Sot rreth orës 16:30, Policia është njoftuar për një aksident trafiku i cili ka ndodhur në fshatin Leshan-Pejë, në këtë aksident ishin të involvuara 3 vetura dhe si pasojë e aksidentit 6 persona kanë pësuar lëndime trupore, të njëjtit janë dërguar në spitalin rajonal në Pejë për tretman mjekësor”, njofton Policia.
