Disa vetura janë përfshirë nga zjarri në bodrumin e një objekti në rrugën “Ali Vitija” në Prishtinë në orët e para të së mërkurës.
Policia ka dalë në vendngjarje bashkë me zjarrfikësit, të cilët e kanë lokalizuar zjarrin.
“Përveç dëmeve materiale, për shkak të tymit të krijuar, panikut ose arsye të tjera të ngjashme, disa persona kanë marrë trajtimin mjekësor. Aktualisht policia në koordinim me prokurorin e shtetit po vijon punën e saj me qëllim zbardhjen e plotë të rrethanave të ngjarjes”, thuhet në njoftim.
