Holandezi Steven Van de Velde, lojtari i volejbollit në rërë i cili në vitin 2016 ishte dënuar për përdhunimin e një vajze 12-vjeçare në Angli, do të debutojë në Olimpiadë të dielën. Ai dhe bashkëlojtari i tij, Matthew Immers, do të takohen me ekipin e Italisë në turneun e volejbollit në rërë, pranë Kullës së Ajfelit.
Prezenca e Van de Veldes në Paris ka ngritur pakënaqësi.
Avokatët e viktimës dhe disa zyrtarë të Lojërave Olimpike kanë thënë se ai nuk është dashur të ftohej për këto lojëra.
“Nëse një sportist apo anëtar i stafit që ka qenë i dënuar, nuk do të lejohej të ishte pjesë e ekipit tonë”, ka thënë këtë javë kryesuesja e delegacionit të Australisë, Anna Meares.
“Kemi një numër të sportistëve nën moshën 18-vjeçare dhe nën moshën 16-vjeçare, kështu që Policia duhet të jetë në dispozicion për ta ruajtur ekipin tonë”, ka theksuar ajo.
Tani 29-vjeçar, Van de Velde ishte dënuar me katër vjet burgim pasi ishte shpallur fajtor për përdhunimin e vajzës të cilën raportohet se e kishte njoftuar në rrjete sociale. Ai burg mbajti vetëm 13-të muaj.
Pas lirimit nga burgu, ai e vazhdoi karrierën në vitin 2017.
