Çmimi i naftës dhe dështimi i gjykatës për të adresuar dhunën në familje sot në “60 Minuta”

Anëtari i Kryesisë së  LDK-së e ish-kryetari i Odës Ekonomike të Kosovës Berat Rukiqi do të jetë i ftuar sot  në emisionin “60 Minuta” për të diskutuar lidhur me ngritjen e çmimit të naftës në Kosovë pas zhvillimeve e luftës në Lindjen e Mesme dhe mungesën e ndërmarrjes së masave nga qeveria e Kosovës për të parandaluar këtë rritje të çmimeve.

Në pjesën  e dytë të emisionit do të jetë e ftuar avokatja Bedrie Berisha-Rexhepi e cila do të shpalosë detajet e zvarritjes së një procesi gjyqësor për dhunën në familje, ku viktima e dhunës në familje një 34-vjeçare ka vdekur, derisa procesi gjyqësor nuk ka marrë epilog nga gjykata për dhunën të cilën ajo e kishte raportuar vite më parë nga bashkëshorti i saj.