Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNë një letër që shefi i Grupit Parlamentar të AAK-së, Besnik Tahiri, ia ka dorëzuar ministres është kërkuar lirimi i menjëhershëm i së paku 50% nga TVSH-ja për derivatet dhe heqja e përkohshme e akcizës për naftën deri në stabilizimin e tregut.
Së bashku me TVSH thuhet se kjo do të ndikonte në uljen e çmimit për rreth 40 cent për litër
Gjithashtu AAK-ja ka kërkuar krijimin urgjent të një taskforce të përbashkët me Odën Ekonomike, Shoqatën e Naftëtarëve dhe shoqatat tjera relevante, në bashkëpunim me MINT dhe Ministrinë e Ekonomisë dhe Financave si dhe marrjen me qira të depove ekzistuese në 5–6 pika kryesore dhe krijimi i rezervave maksimale strategjike të naftës.
Sipas AAK-së mungesa e masave konkrete institucionale në këtë situatë mbetet shqetësuese për stabilitetin ekonomik.
“Në vend të politikave lehtësuese, po vërehen qasje që vështirësojnë operimin e bizneseve, ndërkohë që praktikat rajonale dhe evropiane tregojnë nevojën për ulje të barrës fiskale, mbështetje të sektorëve kritikë dhe krijim të rezervave strategjike”, thuhet në letër.
Çmimi për litër naftë në Kosovë ka arritur në 1.72 euro për litër.
Çmimet e derivateve të naftës janë rritur në nivel global pas sulmeve të SHBA-së dhe Izraelit ndaj Iranit.
Kusari-Lila: Nuk e shohim opsion lirimin e TVSH-së dhe heqjen e akcizës për derivate
Photo: Driton Paçarada
Ministrja e Industrisë, Tregtisë dhe Ndërmarrësisë, Mimoza Kusari-Lila, ka thënë se po e përcjellin me vëmendje situatën lidhur me shtrenjtimin e naftës, që të mos ketë abuzime me çmim.
Kusari-Lila është deklaruar pas kërkesës së dorëzuar nga AAK-ja për lirimin e TVSH-së për derivate dhe heqjen e akcizës.
Ajo ka thënë se po shqyrtohen kërkesat për tërheqjen e akcizës apo lirimin e TVSH-së po shqyrtohen, por tha se çdo ndryshim duhet të bëhet nga Kuvendi, që aktualisht mbetet i pezulluar.
“Jemi me vëmendje duke përcjellë situatën që të mos ketë abuzim me çmim, e dyta jemi duke përgatitur planifikime strategjike për ta rritur rezistencën ndaj rrethanave të krijuara në tregun botëror. Kërkesat që kanë të bëjnë me tërheqjen e akcizës apo TVSH-në jemi duke i shqyrtuar me kujdes, por jo që mund themi sot se mund të ndryshohet akciza. Si e parë e punës akciza është e përcaktuar me ligj dhe rrjedhimisht çfarëdo ndryshimi duhet bërë nga Kuvendi dhe e dyta, TVSH-ja dhe akciza janë të hyra të buxhetit që në situatën aktuale mbesin ashtu siç janë, por jemi duke shikuar se cilat janë mundësitë për të ndikuar nëse ka rritje të mëtutjeshme natyrisht në zinxhirin e furnizimit, pra që të mos ketë multiplifikim apo zinxhir të rritjes edhe te produktet tjera”, tha Kusari-Lila.
Ajo ka thënë se lirimi i TVSH-së asnjëherë s’ka qenë opsion e as heqja e akcizës.
“TVSH-ja nuk ka qenë asnjëherë opsion, pasi është vështirë të monitorohet, pasi TVSH është ajo që paguhet nga qytetarët, prandaj lehtësisht thuhet, por është vështirë të bëhet, pasi mund të përfundojmë në situata kur hiqet TVSH, por çmimi mbetet i njëjtë, pasi operatorët ekonomikë nuk e heqin dhe ne nuk kemi mekanizëm për ta mbajtur çmimin tavan edhe për produkte të tjera. Sa i përket akcizës, mbetet të përcjellët, nuk e konsiderojmë si opsion, por e përcjellim situatën që çmimi nuk kalon çmimin e marzhës së caktuar”, ka thënë Kusari-Lila.