Asociacioni i Gazetarëve të Kosovës përmes një reagimi ka kërkuar nga Kuvendi i Kosovës që ta përmirësojë projektligjin për Këshillin e Pavarur të Mediave pas qortimit “të ashpër” nga ana e Këshillit të Evropës.
Në njoftimin e AGK-së thuhet se KiE-ja ka përgatitur përgatitur një opinion ligjor për projektligjin për KPM-në dhe ka konfirmuar që disa aspekte të projektligjit nuk janë në përputhje me standardet më të mira evropiane.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Aspektet kryesore të kritikuara nga Këshilli i Evropës janë: ndryshimi i projektligjit për KPM-në pa koncept dokument në kundërshtim me rregulloren e qeverisë, mënyrën e definimit dhe rregullimit të mediave online, ndryshimet rrënjësore në përbërjen, emërimin, mandatin dhe shkarkimin e anëtarëve të KPM-së, largimin e kufizimit ligjor që në të kaluarën ia pamundësonte partive politike dhe bashkësive fetare hapjen e televizioneve dhe radiove dhe mungesën e transparencës gjatë nismës legjislative”, thuhet në reagimin e AGK-së.
Tutje ky asociacion ka shprehur keqardhjen për këtë qortim, që sipas tij, ka ndodhur si rezultat i tendencës së Qeverisë dhe shumicës parlamentare për të kontrolluar mediat dhe rregullatorin e mediave përmes këtij projektligji dhe refuzimit të qëllimshëm të Zyrës së Kryeministrit për të përfshirë industrinë e medias dhe shoqërinë civile në fazat e hershme të nismës legjislative.
Tutje thuhet se sipas opinionit ligjor, propozimi që zgjedhja e kryetarit të KPM-së, të bëhet nga Kuvendi mund të rrisë ndikimin politik në KPM dhe një gjë e tillë nuk është në pajtim me standardet evropiane dhe ato rajonale.