Kryeministri në detyrë, Albin Kurti, nuk ka pranuar të përgjigjet lidhur me dorëheqjen e Liburn Aliut nga posti i ministrit të Mjedisit, Planifikimit Hapësinor dhe Infrastrukturës.
I pyetur nga gazetarët se cili është qëndrimi i tij për largimin e Aliut, i cili erdhi pas zgjedhjes së Dimal Bashës kryetar të Kuvendit, Kurti e ka shmangur këtë temë, duke thënë se nuk ishte momenti i duhur për ta komentuar.
“Nuk është as vendi, as dita për këtë”, tha ai pasi bëri homazhe me rastin e Ditës Ndërkombëtare të Viktimave të Zhdukjeve me Dhunë.
Aliu ka dhënë dorëheqje, duke thënë se e ka marrë këtë vendim pasi Dimal Basha mori postin e kryeparlamentarit. Sipas Aliut, zgjedhja e Bashës s’ka qenë në lartësinë e idealit të tij për Republikën. Hysen Durmishi u caktua ushtrues detyre i ministrit të Mjedisit, Planifikimit Hapësinor dhe Infrastrukturës, pas dorëheqjes së Aliut./ EO