-
Nga:
Rrezon Gashi
- 30 mars 2026 11:00
- Shpërndaje në:
Kryeministri Albin Kurti, ka thënë se për çështjen e zgjedhjes së presidentit do t’i ftojë në takim kryetarët e partive opozitare.
Ndërkohë për ofertat që do të jenë në ato takime Kurti ka theksuar se është mirë që të pritet të ndodhin ato.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoAi ka thënë se beson që është mirë që të ketë 84-86 deputetë në sallë.
“Padyshim që do të bëj ftesa për kryetarët e partive opozitare në mënyrë që të shohim se cilat janë rrugët ashtu që të arrijmë numrin prej së paku 80 deputetëve, e po e ritheksoj unë nuk besoj që është mirë të jemi veçse 80 apo 81, duhet të jemi rreth 84-86 që të jemi të sigurt në mënyrë që ta zgjedhim presidentin aty. Për këtë do të bëjmë edhe ftesa e do të ketë edhe takime, por çfarë ofertash do të ketë në ato takime duhet të presim që të ndodhin ato takime”, është shprehur Kurti në konferencën pas mbledhjes së Qeverisë.
Ai ka thënë se deri më tani nuk ka pasur kohë të mjaftueshme të bëj konsultimet e brendshme.
Gjykata Kushtetuese më 25 mars ka nxjerr një aktgjykim me të cilin i ka dhënë kohë Kuvendit 34 ditë për ta zgjedhur presidentin e ri të shtetit. Në të kundërtën, sipas aktgjykimit, Kuvendi shpërndahet dhe organizohen zgjedhje të parakohshme brenda 45 ditësh.
Nëse nuk do të ketë president brenda kësaj periudhe të përcaktuar nga Kushtetuta, atëherë bazuar në afatet e përshkruara në aktgjykim, deri më 7 qershor qytetarët duhet t’i drejtohen kutive të votimit.
Presidenti i Kosovës zgjidhet me dy të tretat e votave në dy rundet e para të votimit apo me 61 vota në rundin e tretë, por nevojiten 80 deputetë në sallë që seanca të mundë të mbahet.
Presidentes aktuale, Vjosa Osmani, mandati pesëvjeçar i përfundon më 5 prill. Osmani e pati shprehur synimin për edhe një mandat, porse ajo nuk është propozuar për këtë post. Për partinë në pushtet, ajo nuk i ka pasur votat e nevojshme, ndërsa për partitë e tjera ajo nuk e ka personifikuar unitetin e nevojshëm që i duhet figurës së presidentit.
Haxhiu: Për zgjedhje të presidentit duhet të ketë vullnet
Photo: Driton Paçarada
Kryetarja e Kuvendit Albulena Haxhiu ka thënë se seanca për zgjedhjen e presidentit “do të thirret kur të plotësohen kushtet”.
Në konferencën për media pas mbledhjes së Kryesisë së Kuvendit, Haxhiu ka thënë se kryeministri Albin Kurti ka njoftuar se do t’i thërrasë në takime liderët e opozitës.
Sipas saj është e rëndësishme që të këtë vullnet për tejkalim të situatës.
“Në raport me situatën aktuale, çka është e rëndësishme është vullneti, rruga për të arritur te zgjidhja, sapo të ketë vullnet do të zgjidhet. Në këtë drejtim, as Kushtetuta, as ndonjë ligj, as Rregullorja e punës së Kuvendit nuk parasheh situata të ndalimit të tërheqjes ose të kandidatit ose të nënshkrimeve, ose çka nëse shtohet edhe një kandidat sepse mund të jenë katër kandidat duke pasur parasysh numrin e deputetëve”, ka theksuar Haxhiu.
Ajo ka thënë se zyrtarë të lartë të PDK-së dhe jo vetëm, kanë deklaruar se vendi duhet të shkojë në zgjedhje.
Por sipas saj s’mund të pritet rezultat ndryshe.
“Ne përballemi me situata të vazhdueshme të kërkesave për të shkuar në zgjedhje ... Qytetarët kanë votuar me 28 dhjetor, kushdo që pret rezultat tjetër, mendoj që e ka gabim sepse nuk kemi kohë të gjatë nga dhjetori deri më tani”, është shprehur Haxhiu.