-
Nga:
Mehmet Krasniqi
- 25 janar 2020 20:03
- Shpërndaje në:
E shtuna ka qenë dita e parafundit e ultimatumit të kreut të LDK-së, Isa Mustafa për arritjen e mundshme të marrëveshjes me Vetëvendosjen.
Mirëpo, gjatë ditës nuk është zhvilluar ndonjë takim ndërmjet tij dhe Albin Kurtit.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoDeputetja e Vetëvendosjes, Albulena Haxhiu, ka mohuar se ka pasur takime, derisa ka paralajmëruar se këto dy parti së shpejti do të kthehen në tavolinën e bisedimeve.
Gjatë ditës, është raportuar në media se Kurti dhe Mustafa janë takuar në shtëpinë e këtij të fundit në Prapashticë, mirëpo asnjëra parti nuk e ka konfirmuar zyrtarisht.
Zëdhënësi i LDK-së, Besian Mustafa, ka thënë shkurt për KTV-në nuk ka informacione për këtë çështje.
Deputeti i LDK-së, Haxhi Avdyli, në një postim në Facebook ka lënë të kuptohet se dy partitë janë afër arritjes së marrëveshjes.
Zyrtarët e të dyja partive kanë qenë hermetikisht të mbyllura gjatë së shtunës për të kuptuar nëse liderët e tyre janë takuar apo nëse do të takohen sot.
Afati kushtetues prej 15 ditësh për formimin e Qeverisë me Kurtin mandatar, përfundon në javën e parë të shkurtit.