Ushtruesi i detyrës së ambasadorit të Luksemburgut në Kosovë, Eric Dietz, ka kritikuar mënyrën se si mediat kanë parashtruar pyetje politike gjatë përurimit të punimeve të reja në Klinikën e Kardiologjisë të mërkurën.
Gjatë këtij eventi, ku i pranishëm ishte edhe kryeministri Albin Kurti, Dietz theksoi se, megjithëse e kupton rëndësinë e politikës së brendshme dhe punën e mediave, një situatë e tillë kërkon edhe ndjeshmëri ndaj kontekstit.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Kuptoj që kjo është puna juaj dhe politika e brendshme është shumë e rëndësishme dhe jemi në mes të diskutimeve të vështira, por sot është gjithashtu ‘koha e duhur’ për të treguar respekt për të gjithë mjekët, infermierët dhe stafin shëndetësor që punojnë të lodhur duke ofruar kujdes shëndetësor cilësor për popullin tuaj”, u shpreh Dietz.
Ai shtoi se, në raste të tilla, duhet të ketë një balancë mes interesit politik dhe respektit për profesionistët shëndetësorë që shërbejnë në spital.
“Ne gjithashtu duhet të gjejmë kohë të gjithë së bashku… jemi këtu në spital edhe për t’i nderuar ata”, theksoi ai.