-
Nga:
Nexhat Tovërlani
- 23 dhjetor 2021 17:39
- Shpërndaje në:
Asamblistja e Iniciativës Qytetare për Obiliqin, Vlora Kabashi, është zgjedhur kryesuese e Kuvendit Komunal. Ajo ka marrë 12 vota kundrejt 8 votave të asamblistit të VV-së, Sami Ahmeti.
Pas votimit, ajo ka thënë se do të punojë me të gjithë për të mirën e qytetarëve të Obiliqit.
“E kuptoj peshën e përgjegjësisë që më është besuar, andaj zotohem që së bashku me kryetarin e Komunës, Xhafer Gashin, në bashkëpunim me të gjithë ju do të punojmë për të mirën e qytetarëve të Obiliqit”, është shprehur Kabashi.
Gjatë mandatit të kaluar, ajo e ka udhëhequr Drejtorinë për Shëndetësi dhe Mirëqenie Sociale.
Nga 21 ulëse sa i ka Kuvendi Komunal i Obiliqit, në zgjedhjet e 17 tetorit IQ i ka fituar 9, LVV 4 dhe nga 2 asamblistë i kanë LDK, LS, LB dhe PDK.