Pas rikthimit nga pauza të seancës së jashtëzakonshme të Kuvendit për çmimin e naftës, as kryeministri, asnjë ministër e asnjë deputet i Lëvizjes Vetëvendosje nuk është paraqitur në sallë.
Deputetja e Partisë Demokratike të Kosovës (PDK), Vlora Çitaku, pati kritika për bojkotimin e vazhdimit të seancës nga VV-ja. Ajo u shpreh se për një çështje kaq të rëndësishme për qytetarët, pushteti ka zgjedhur ta bojkotojë seancën.
“Mos kanë harru me zbrit prej xhipave të zi”, u shpreh Çitaku.
Përmes një rezolute, LDK-ja po kërkon uljen e përkohshme të akcizës për naftën nga 36 centë për litër në 20 centë deri në stabilizimin e çmimeve, uljen e TVSH-së për karburantet nga 18 për qind në 8 për qind, si dhe subvencionimin e çmimeve të naftës për sektorët më të ndjeshëm të ekonomisë – bujqësinë, transportin publik dhe prodhuesit vendorë.
S’ka kuorum për rezolutën e LDK-së për çmimin e naftës
-
Murati: Ulja e akcizës do të kishte efekt të vogël te qytetarët, por humbje të mëdha për shtetin
-
Hamza: Qeveria po sillet si vëzhguese pasive e gjendjes ekonomike
-
Abdixhiku: Nga kriza e naftës po përfitojnë vetëm bizneset, falë garancive të Qeverisë
-
LDK-ja inicion seancë të jashtëzakonshme për çmimin e lartë të naftës
-
Opozita bllokon pakon kundër inflacionit, me arsyetimin se me të LVV-ja do që të blejë vota