Pas kundërpërgjigjes së Iranit, 40 persona po trajtohen në spitale të ndryshme në Izrael, prej të cilëve dy janë në gjendje kritike, kanë bërë të ditur autoritetet shëndetësore izraelite.
Spitali Ichilov në Tel Aviv është duke trajtuar 18 pacientë.
Spitali Beilinson në Petah Tikva ka 7 pacientë, përfshirë një në gjendje kritike.
Spitali Sheba në Ramat Gan po trajton 15 persona, ndër ta edhe pacientin tjetër në gjendje kritike.
Lëndimet e të hospitalizuarve janë të natyrave të ndryshme, duke përfshirë plagë nga copëza shpërthyese, thithje të tymit dhe gjendje shoku.
