Izraeli godet Gazën qendrore, rritet numri i të vdekurve nga sulmi për shpëtimin e pengjeve

Forcat izraelite sulmuan sërish qendrën e Gazës të dielën, një ditë pasi vranë 274 palestinezë gjatë një sulmi për shpëtimin e pengjeve.

Tanket kanë përparuar edhe në zona të tjera të Rafahut në një përpjekje për të mbyllur një pjesë të qytetit jugor, thanë banorët dhe mediat e Hamasit, raporton Reuters.

Palestinezët mbetën të tronditur nga numri i të vdekurve në sulmin e të shtunës, ku përfshihen shumë gra dhe fëmijë, sipas mjekëve palestinezë.

Në një përditësim të dielën, ministria e Shëndetësisë e Gazës ka thënë se 274 palestinezë u vranë, nga 210 që u raportuan të shtunën, dhe 698 u plagosën, kur komandot e forcave speciale izraelite hynë në kampin e dendur Al-Nuseirat për të shpëtuar katër pengje të mbajtura që nga tetori nga Hamasi.

Ushtria izraelite ka thënë se një oficer i forcave speciale u vra në shkëmbimin e zjarrit me militantët që dilnin nga blloqe banimi.

Të dielën, tre palestinezë u vranë dhe disa u plagosën në një sulm ajror izraelit në një shtëpi në Al-Bureij në Rripin qendror të Gazës, ndërsa tanket bombarduan pjesë të Al-Maghazi dhe Al-Nuseirat aty pranë. Të gjitha janë kampe refugjatësh.

Ushtria izraelite ka thënë në një deklaratë se forcat e saj po vazhdonin operacionet në lindje të Bureij dhe qytetit të Deir al-Balah në qendër të enklavës bregdetare, duke vrarë disa persona të armatosur palestinezë dhe duke shkatërruar infrastrukturën militante.

Izraeli dërgoi forcat në Rafah në maj, duke u thirrë në një misioni për të zhdukur njësitë e fundit luftarake të paprekura të Hamasit pas tetë muajsh lufte, në të cilën forcat izraelite kanë bombarduar pjesën tjetër të Gazës deri në rrënoja, ndërsa përparonin kundër rezistencës së ashpër.