Rreth 287 kandidatë do të merren në konsideratë për çmimin “Nobel për Paqe” për vitin 2026, ka thënë të enjten sekretari i Komitetit Norvegjez të Nobelit, Kristian Berg Harpviken, ndërsa presidenti i SHBA-së, Donald Trump, ka gjasa të jetë mes të nominuarve.
Nga nominimet e këtij viti, 208 janë individë dhe 79 janë organizata, ka thënë Berg Harpviken, duke shtuar se ka shumë emra të rinj krahasuar me vitin e kaluar.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Meqë jam i ri në këtë detyrë, një nga gjërat që më ka habitur disi është sa shumë emra të rinj ka nga viti në vit në listë”, ka thënë Harpviken në një intervistë. Ai e mban këtë post që nga janari 2025.
Pavarësisht rritjes së konflikteve në mbarë botën dhe presionit mbi bashkëpunimin ndërkombëtar, çmimi mbetet i rëndësishëm, ka shtuar ai.
“Çmimi i Paqes është edhe më i rëndësishëm në një periudhë si kjo në të cilën po jetojmë”, ka thënë ai. “Ka po aq punë të mira, në mos më shumë se kurrë më parë”.
Udhëheqësit e Kamboxhias, Izraelit dhe Pakistanit kanë thënë se e kanë nominuar Trumpin për këtë çmim. Nëse këto nominime janë bërë, ato do të jenë dorëzuar në pranverë dhe verë të vitit 2025 dhe konsiderohen të vlefshme, pasi afati përfundimtar ishte 31 janari.
Nuk ka asnjë mënyrë për ta verifikuar nëse ata kanë bërë siç kanë thënë, pasi nominimet mbeten sekrete për 50 vjet, dhe Harpviken nuk ka pranuar të konfirmojë nëse Trumpi është nominuar.
Një nominim nuk është një mbështetje nga institucioni që jep çmimin.
Përveç anëtarëve të komitetit, mijëra persona në mbarë botën mund të propozojnë emra: anëtarë qeverish dhe parlamentesh, krerë aktualë shtetesh, profesorë universitarë të historisë, shkencave sociale, drejtësisë dhe filozofisë, si dhe fitues të mëparshëm të çmimit Nobel për Paqe, ndër të tjerë.