-
Përktheu:
Flutura Gashi-Mehmeti
- 21 qershor 2026 14:18
- Shpërndaje në:
Bisedimet midis Iranit dhe SHBA-së, që synojnë të forcojnë marrëveshjen e përkohshme dhe të brishtë për t’i dhënë fund konfliktit, janë përballur me vështirësi, përfshirë vendimin e Iranit për ta mbajtur të mbyllur Ngushticën e Hormuzit në shenjë proteste ndaj paaftësisë së presidentit amerikan, Donald Trump, për ta detyruar Izraelin të ndalojë luftimet në Liban.
Ministria e Jashtme e Katarit, ka njoftuar përmes një deklarate të dielën pasdite se bisedimet tashmë kanë nisur. Ato po mbahen në një resort turistik në Lucern të Zvicrës.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoZëvendëspresidenti amerikan, JD Vance, i cili udhëheq delegacionin amerikan, kishte deklaruar më herët se do ta shtonte çështjen e Libanit në agjendën, që fillimisht ishte konceptuar për t’u përqendruar te hapja e Ngushticës së Hormuzit, heqja e sanksioneve amerikane ndaj eksporteve iraniane të naftës dhe zhbllokimi i aseteve iraniane të ngrira jashtë vendit.
Delegacioni iranian udhëhiqet nga kryetari i parlamentit, Mohammad Bagher Ghalibaf, por prania e zëvendësministrit të naftës dhe guvernatorit të bankës qendrore të Iranit tregon se Teherani dëshiron të përqendrohet kryesisht te kushtet për heqjen e sanksioneve.
Ministria e Jashtme e Zvicrës ka thënë se delegacionet e SHBA-së dhe Iranit, si dhe ndërmjetësit nga Pakistani dhe Katari, janë të gjithë të pranishëm në resortin luksoz ku po zhvillohen bisedimet.
