Të paktën nëntë persona kanë vdekur pasi një aeroplan mallrash u rrëzua ndërsa po ngrihej nga një aeroport në Louisville, Kentucky të martën në mbrëmje.
Guvernatori Andy Beshear ka thënë se tre anëtarët e ekipit të aeroplanit ishin me shumë gjasa midis të vdekurve pasi aeroplani i mallrave u përfshi nga flakët ndërsa po largohej nga Aeroporti Ndërkombëtar i Louisville “Muhammad Ali”.
Të paktën 11 persona të tjerë janë lënduar kur aeroplani u rrëzua, duke dërguar re të dendura tymi të zi në qiell.
Zyrtarët kanë thënë se të mbijetuarit pësuan lëndime "shumë të rënda" dhe se ata ende po kërkojnë viktima të tjera.
Beshear ka shpallur gjendje të jashtëzakonshme.