-
Përktheu:
Flutura Gashi-Mehmeti
- 15 dhjetor 2025 11:02
- Shpërndaje në:
Bisedimet Ukrainë-SHBA do të vazhdojnë edhe të hënën në Berlin pas pesë orësh negociatash të dielën, teksa një grup udhëheqësish evropianë më vonë do t'i bashkohen udhëheqësit ukrainas, Volodymyr Zelensky, për të treguar solidaritetin e tyre me Kievin.
Sapo të përfundojnë bisedimet me SHBA-në, mini-samiti do të mbledhë së bashku kryeministrin e Britanisë, Keir Starmer, atë të Danimarkës, Mette Frederiksen, presidentin e Finlandës, Alexander Stubb, kryeministrin e Norvegjisë, Jonas Gahr Støre të Norvegjisë, kryeministrin e Holandës, Dick Schoof, kryeministrin e Polonisë, Donald Tusk, kryeministren e Suedisë, Ulf Kristersson, si dhe zyrtarë të lartë të BE-së dhe NATO-s.
Presidenti i Finlandës, Alexander Stubb u thanë gazetarëve të dielën se "ndoshta jemi më afër një marrëveshjeje paqeje sesa kemi qenë në çdo kohë gjatë këtyre katër vjetëve".
I dërguari amerikan, Steve Ëitkoff, ka thënë gjithashtu se "është bërë shumë përparim" gjatë bisedimeve të së dielës.
Por disa pyetje të rëndësishme mbeten ende dhe besohet se kanë të bëjnë me lëshimet territoriale të Ukrainës në lindjen e kontestuar dhe garancitë thelbësore të sigurisë për të shmangur një agresion të tretë nga Rusia.
Moska ka hedhur poshtë publikisht çdo thirrje të bërë nga partnerët evropianë të Ukrainës deri më tani.
Bisedimet e sotme me SHBA-në dhe mini-samiti në Berlin, në të cilin do të marrin pjesë shtatë udhëheqës evropianë dhe figura të larta në BE dhe NATO, vijnë vetëm disa ditë para samitit kyç të Këshillit Evropian në Bruksel më vonë këtë fundjavë, i cili do të vendosë mbi propozimin e përdorimit të fondeve të ngrira ruse për të financuar Ukrainën përmes një kredie dëmshpërblimi.