Presidenti ukrainas, Volodymyr Zelensky, ka përshëndetuar armëpushimin midis SHBA-së dhe Iranit, duke shtuar se Kievi është i gatshëm të “përgjigjet në të njëjtën mënyrë” nëse Moska pushon sulmet.
“Ukraina ka bërë thirrje gjithmonë për një armëpushim në luftën e zhvilluar nga Rusia këtu në Evropë kundër shtetit tonë dhe popullit tonë, dhe ne mbështesim armëpushimin në Lindjen e Mesme dhe Gjirin, që hap rrugën për përpjekjet diplomatike”, ka shkruar ai në X.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo"Është e qartë për të gjithë se një armëpushim mund të krijojë parakushtet e duhura për marrëveshje”, ka shtuar Zelensky.
Ukraina kishte lavdëruar më parë “vendosmërinë” e SHBA-së për sulmin ndaj Iranit, i cili është një aleat i ngushtë i Rusisë dhe i cili ka furnizuar me mijëra dronë që janë përdorur për të goditur Ukrainën.
Kievi ka bërë thirrje në mënyrë të përsëritur që Moska të bie dakord për një armëpushim të plotë në luftën e saj katërvjeçare, në mënyrë që të dy palët të mund të negociojnë një marrëveshje paqeje.
Rusia thotë se dëshiron që të miratohen kushte gjithëpërfshirëse për paqen përpara se të ndalojë së luftuari.
Ukraina ka dërguar gjithashtu më shumë se 200 specialistë në Lindjen e Mesme për të ndihmuar në mbrojtjen e sulmeve me dronë nga Irani.