-
Përktheu:
Flutura Gashi-Mehmeti
- 17 gusht 2025 15:03
- Shpërndaje në:
Presidenti ukrainas, Volodymyr Zelensky, ka vizituar të dielën selinë e BE-së, përpara samitit të së hënës në Uashington.
Ai ështa takuar me presidenten e Komisionit Evropian, Ursula von der Leyen, e cila njoftoi se udhëheqësit evropianë dhe të NATO-s do t'i bashkohen samitit në Shtëpinë e Bardhë, raporton AP.
Von der Leyen ka shkruar në X se "me kërkesë të presidentit Zelensky, unë do t'i bashkohem takimit me presidentin Trump dhe udhëheqës të tjerë evropianë në Shtëpinë e Bardhë nesër".
Lëvizja e jashtëzakonshme - teksa një udhëheqës evropian pas tjetrit njoftojnë se do të jenë në krah të Zelenskyt kur ai të udhëtojë për në Shtëpinë e Bardhë të hënën, shihet si një përpjekje e dukshme për të siguruar që takimi të shkojë më mirë se ai i fundit në shkurt, kur Trump ie qortoi presidentin ukrainas në një takim të nxehtë në Zyrën Ovale.
Prania e udhëheqësve evropianë në krah të Zelenskyt, duke demonstruar mbështetjen e Evropës për Ukrainën, mund të ndihmojë potencialisht në zbutjen e shqetësimeve në Kiev dhe në kryeqytete të tjera evropiane se Ukraina rrezikon të mbetet janë një marrëveshje paqeje që Trumpi thotë se dëshiron ta ndërmjetësojë me Rusinë.