Ecuria e Kepit të Gjelbër në Kupë të Botës do të hyjë në histori. Dhe tani kjo përfaqësuese është në prag të një tjetër hapi të pabesueshëm.
Kepi i Gjelbër ka ofruar një nga befasitë më të mëdha të të gjitha kohërave, duke barazuar me Spanjën në debutimin në ngjarjen globale.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Peshkaqenët blu” treguan përsëri klasin e tyre në skenën më të madhe të lojës, në orët e para të së hënës, duke barazuar me dy herë kampionin e botës, Uruguain. Dhe tani Kepi i Gjelbër është seriozisht në garë për avancim në fazën nokaut.
Lojtarët e Kepit ishin kreativë, argëtues dhe të sigurt në barazimin emociones 2:2. Ofruan po ashtu një dozë të vendosmërisë së çeliktë që i udhëhoqi drejt rezultatit befasues ndaj Spanjës.
Kepi i Gjelbër është grup i dhjetë ishujve në Oqeanin Atlantik. Ky vend ka rreth 525 mijë banorë dhe tashmë ka ndalur dy prej fuqive të Kupës së Botës.
Nuk kishte nevojë për heroizëm nga portieri Vozinha, i cili nga 40 mijë ndjekës në “Instagram” i bëri mbi 15 milionë pas ndeshjes me Spanjën. Uruguai u kufizua në vetëm dy gjuajtje në portë dhe heronjtë ishin në anën tjetër të fushës.
Nëna e Vozinhas nuk ishte në stadium për ndeshjen me Spanjën për shkak të kostos së lartë për vizë hyrëse në SHBA. Por ishte e pranishme në Miami dhe u prit me një shfaqje magjepsëse.
Kepi i Gjelbër bëri lojë sulmuese që nga minuta e parë. Përfaqësuesja e madhe nga Amerika e Jugut, Uruguai, hasi në vështirësi përballë gjallërisë së Kepit.
Pastaj erdhi momenti historik. Kevin Pina gjuajti mjeshtërisht nga goditja e dënimit për 1:0.
Në kryeqytetin e ishujve, Praia, goli i parë në Botëror u prit me gëzim.
Uruguai reagoi me dy gola, por Helio Varela shënoi golin tjetër për pikën e dytë të Kepit të Gjelbër në Botëror. Paraqitja e përfaqësueses së vogël afrikane u cilësua sensacionale.
Kepi i Gjelbër po ofron një prej historive më të bukura në Kupën e Botës. Kjo përfaqësuese është në garë për kalim të grupit. Do të përballet me Arabinë Saudite në ndeshjen e fundit dhe vendimtare në grup.
Tetë ekipet më të mira prej 12 grupeve sa janë gjithsej, avancojnë në fazën nokaut.