Pas 25 minutave lojë në “Air Albania” në Tiranë, ndeshja mes Shqipërisë dhe Anglisë ende nuk ka dhuruar gola. Shqipëria rastin më të mirë e pati me Elseid Hysajn në minutën e 18-të.
Mbrojtësi i Lazios, Hysaj, rrezikoi me gjuajtje nga distanca, por topi shkoi pak mbi transversale. Pak minuta pasi gjuajti fuqishëm drejt portës, Hysaj e ka lënë fushën shkaku i lëndimit.
Ai në minutën e 25-të është zëvendësuar nga Ivan Balliu. Anglia është më e mirë në qarkullim të topit, por ende nuk e ka rrezikuar seriozisht portën e portierit Thomas Strakosha.
