Cunha dhe Igor Jesus kanë shënuar nga një gol në pjesën e parë për fitoren 2:1 të skuadrës braziliane Botafogo, ndaj asaj amerikane Seattle Sounders.
Ndeshja i takoi Grupit B të Kupës së Botës për Klube dhe u zhvillua në natën mes të dielës e së hënës në Seattle, para 30 mijë shikuesve.
Golin për skuadrën amerikane e realizoi Cristian Roldan në minutën e 75-të.
Në ndeshjen e parë të këtij grupi, PSG-ja fitoi 4:0 ndaj Atletico Madridit.
Më 19 qershor, Seattle luan me Atleticon, ndërsa PSG-ja me Botafogon.
