Babai i Hansi Flickut, trajnerit të Barcelonës, ka vdekur pak orë para “El Clasicos”, ka njoftuar klubi nga Katalunja të dielën.
“Barcelona dhe e gjithë familja ‘blaugrana’ dëshron t’i shprehë ngushëllime Hansi Flickut për vdekjen e babait. E ndajmë dhembjen dhe qëndrojmë me të në këtë kohë të vështirë për të dhe familjen e tij”, ka shkruar Barcelona.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNgushëllime për Flickun ka shprehur edhe klubi mbretëror.
“Real Madridi, Presidenti i klubit dhe Bordi i Drejtorëve, shprehin keqardhje për ndarjen nga jeta të babait të Hansi Flickut, trajnerit të Barcelonës. Real Madridi shpreh ngushëllime ndaj gjithë familjes së tij dhe më të dashurve. Pusho në paqe”, ka shkruar Real Madridi.
Flicku 61-vjeçar është në prag të fitimit të titullit në La Liga me Barcelonën, nëse e mposht Real Madridin në “Camp Nou”.
Ndeshja nis në orën 21:00.
Barcelona i ka 11 pikë më shumë se Real Madridi, kur kanë mbetur edhe katër xhiro deri në fund.