Futbollisti me prejardhje nga Kosova, Arijon Ibrahimoviq, ka debutuar me fitore te Përfaqësuesja U21 e Gjermanisë.
Gjermania U21 fitoi thellë 6:0 ndaj Maltës U21 të premten mbrëma në kualifikimet për Evropianin e vitit 2027.
Ibrahimoviqi në lojë u inkuadrua nga minuta e 78-të.
19-vjeçari Ibrahimoviq luan për skuadrën gjermane, Heidenheim. Këtë edicion në Bundesligë ka një asistim. Një asistim e ka edhe në Kupë të Gjermanisë.
Sulmuesi Ibrahimoviq u ftua për herë të parë te Shpresat e Gjermanisë për dy ndeshjet e këtij muaji. Ka luajtur për U16, U17, U18, U19 dhe U20 të Gjermanisë.
Më herët u raportua se Ibrahimoviqi mund të ftohej te Kosova. Por ai u ftua nga Gjermania U21.