Mesfushori i Juventusit, Manuel Locatelli, është në dyshim për dy ndeshjet e rëndësishme të Italisë kundër Norvegjisë dhe Moldavisë.
Locatelli është duke iu nënshtruar testeve mjekësore. Ai është ankuar për një lëndim në këmbën e djathtë. Shpejt do të mësohet, nëse mesfushori do të jetë gati për ndeshjet kualifikuese të Kupës së Botës 2026.
Italia hap fushatën kualifikuese të premten në Oslo, ndërsa e pret më 9 qershor Moldavinë.
Për shkak të lëndimit, përzgjedhësit të Italisë, Luciano Spalletti, do t’i mungojë mbrojtësi i Napolit, Alessandro Buongiorno. Italia nuk llogarit as në mbrojtësin e Interit, Francesco Acerbi. Ai ka refuzuar ftesën e Spallettit.
