Portieri i Aston Villas, Emiliano Martinez, ka bërë të ditur se e ka thyer gishtin gjatë ngrohjes, para ndeshjes finale të Ligës së Evropës ndaj Freiburgut.
Argjentinasi e theu gishtin pak para se të niste ndeshja finale që u zhvillua në stadiumin e Beshiktashit në Stamboll.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoAtij iu bë kontroll nga mjeku i klubit. Por, Martinezi e kompletoi ndeshjen të mërkurën mbrëma dhe Villa fitoi 3:0.
Klubi anglez e siguroi trofeun e parë evropian pas 44 vjetësh.
33-vjeçari Martinez nuk pati shumë punë, pasi Aston Villa pati paraqitje mbresëlënëse.
“E theva gishtin gjatë ngrohjes, por mua çdo gjë e keqe më sjellë diçka të mirë më pas. E kam bërë këtë gjithë jetën dhe do të vazhdoj. A duhet të shqetësohem? Unë asnjëherë nuk kam thyer gisht më parë. Sa herë që e kapja topin, gishti shkonte në anën tjetër. Por, këto janë gjërat nëpër të cilat duhet të kalosh dhe jam krenar që jam portier i Aston Villas”, ka deklaruar Martinez.
Argjentina shpreson që të mos jetë lëndim serioz për Botërorin e muajit të ardhshëm.
Ish-portieri i Arsenalit i ka fituar të gjitha finalet në të cilat ka luajtur, përfshirë Kupën FA, Kupën e Botës dhe dy Kupa të Amerikës me Argjentinën. Triumfues doli edhe në finalen e Stambollit në Ligën e Evropës.