Mbrëmje supergolash në “Bernabeu”

22:55 - Ndeshja mes Real Madridit dhe Manchester Cityt nuk ka dhënë fitues. Por ka ofruar gola shumë të bukur dhe futboll të denjë për Ligën e Kampionëve.

Të martën mbrëma në “Santiago Bernabeu”, në atmosferë të zjarrtë, Real Madridi e Manchester City e zhvilluan ndeshjen e parë çerekfinale të Championsit. Ndeshja përfundoi 3:3. Pra ka vazhduar efikasiteti shumë i lartë në përballjet e këtyre dy skuadrave, që janë thuajse të rregullta në vitet e fundit.

Bernardo Silva befasoi madrilenët duke shënuar golin e parë për Cityn që në minutën e dytë.

Madridi barazoi në minutën e 12-të, kur Ruben Dias shënoi autogol. Rodrygo kaloi në epërsi 2:1 Realin në minutën e 14-të.

Gola të tjerë nuk u shënuan në pjesën e parë. Ndërkohë e dyta ofroi gola të rrallë.

Në minutën e 66-të Phil Foden i Cityt shënoi me goditje mjeshtërore nga distanca për 2:2. Nuk vonoi shumë dhe kampioni në fuqi, Manchester City, realizoi për 3:2. Ishte mbrojtësi kroat Joshko Gvardiol që realizoi tjetër supergol në minutën e 71-të.

Por vendasit nuk u dorëzuan. Në minutën e 79-të Federico Valverde goditi shumë bukur për 3:3.

22:38 - Tjetër supergol, tani nga Madridi

Vazhdojnë supergolat në “Santiago Bernabeu”.

Për 3:3 shënoi Federico Valverde në minutën e 79-të. Mesfushori i madrilenëve shënoi gol me goditje të bukur.

22:30 - City me përmbysje të madhe, kalon në epërsi

Manchester City po udhëheq 3:2 ndaj Real Madridit.

Është mbrojtësi kroat Joshko Gvardiol që shënoi golin në minutën e 71-të. Ishte tjetër supergol nga kroati.

22:26 - Supergol nga Foden, barazon City

Manchester City ka barazuar në 2:2 rezultatin në ndeshjen ndaj Real Madridit.

Phil Foden shënoi supergol në minutën e 66-të.

21:45 – Reali në epërsi pas pjesës së parë

Real Madridi e ka mbyllur me epërsi 2:1 pjesën e parë ndaj Manchester Cityt në “Santiago Bernabeu”.

Eduardo Camavinga dhe Rodrygo shënuan për Realin, të cilët përmbysën epërsinë e hershme të Cityt përmes Bernardo Silvas.

21:15 - Përmbysje e Realit

Reali e ka përmbysur rezultatin ndaj Cityt brenda dy minutave.

Fillimisht barazoi Eduardo Camavinga (12’), ndërsa Rodrygo (14’) shënoi golin e epërsisë.

Goli i parë - 

Goli i dytë - 

21:02 - City merr epërsi të hershme

Bernardo Silva ka shënuar supergol për t’i dhënë epërsinë Cityt ndaj Realit në minutën e dytë.

Portugezi shënoi nga gjuajtja e lirë, duke e zënë në befasi portierin Andriy Lunin.

21:00 - Ka nisur ndeshja mes Real Madridit dhe Manchester Cityt, e vlefshme për çerekfinalen e Ligës së Kampionëve.

Ndeshja po zhvillohet në “Santiago Bernabeu”.

Këtu mund t’i ndiqni golat në kohë reale.

Formacionet zyrtare: Real Madrid – Man City

Real Madridi dhe Manchester City kanë publikuar formacionet zyrtare të ndeshjes çerekfinale të Ligës së Kampionëve, e cila fillon në orën 21:00.

Ndeshja e parë luhet në “Santiago Bernabeu”, ndërsa e kthimit pas një jave në “Etihad”.

Trajneri i Cityt, Pep Guardiola, ka marrë një nga vendimet më të befasishme për këtë ndeshje, duke e lënë në bankë rezervë mesfushorin Kevin De Bruyne. 

Formacioni i Realit:

Lunin: Mendy, Rudiger, Tchouameni, Carvajal: Valverde, Camavinga, Kroos: Bellingham: Rodrygo, Vinicius Jr

Formacioni i Cityt:

Ortega: Akanji, Ruben Dias, Stones, Gvardiol: Bernardo Silva, Rodri, Kovaçiq: Grealish, Haaland, Foden.