Muriqi e shënon golin e 22-të të edicionit në La Liga

Vedat Muriqi ka shënuar tjetër gol të rëndësishëm për Mallorcan në La Liga.
Falë golit të Muriqit, Mallorca barazoi 1:1 me Villarrealin, të dielën. Ndeshja i takoi xhiros së 35-të të kampionatit spanjoll.
32-vjeçari shënoi në minutën e dytë të kohës shtesë në pjesën e parë, pas një gabimi të portierit të Villarrealit.

Për Muriqin është goli i 22-të i edicionit në elitën spanjolle.  Ai tani ka vetëm dy më pak se Kylian Mbappe i Real Madridit. 

Mbappe është golashënuesi më i mirë i elitës spanjolle, por aktualisht është i lënduar.
Muriqi nuk kishte shënuar në tri ndeshjet e kaluara, por gjeti cakun të dielën për tjetër pikë të rëndësishme të Mallorcas.

Mallorca i ka tani 39 pikë dhe do ta vazhdojë deri në fund garën për mbetje në La Liga. Deri në fund janë edhe tri xhiro të tjera. Gara për mbijetesë në kampionatin spanjoll është shumë e fortë dhe me shumë skuadra të përfshira. 
Villarreali është i treti me 69 pikë. Marrë për bazë pozitën e Villarrealit, pika mund të vlerësohet e madhe për Mallorcan që ishte vendase.

Muriqi vazhdon superformën, shënon ndaj Villarrealit

Vedat Muriqi e ka shënuar golin e 22-të të edicionit në La Liga.

Muriqi shënoi në kohën shtesë të pjesës së parë në ndeshjen ndaj Villarrealit.

Mallorca po barazon 1:1 me Villarrealin në kuadër të xhiros së 35-të të La Ligas.