Një penallti e dhënë pas një situate që nuk dukej shumë e rrezikshme, ka vendosur sfidën mes Interit dhe Liverpoolit. Ishte kjo kryendeshja e së martës në Ligën e Kampionëve, që i fitoi xhiros së gjashtë.
Liverpooli fitoi 1:0 me golin e shënuar nga pika e bardhë përmes Dominik Szoboszlai.
Pas një topin në zonë, Alessandro Bastoni e kapi për fanelle gjermanin Florian Ëirtz. Arbitri u sinjalizua nga dhoma e VAR-it dhe vendosi ta shikojë situatën. Vlerësoi se ishte penallti, ndërsa Bastoni u ndëshkua me të verdhë. Për kampionin anglez u dha penallti, të cilën në gol e shndërroi Szobozlai në minutën e 88-të.
Me fitore, kampioni anglez doli në vendin e tetë me 12 pikë. 12 pikë i ka edhe Interi në vendin e pestë. Për skuadrën italiane ishte humbja e dytë rresht. Për Liverpoolin fitorja është shumë e rëndësishme, ndërsa erdhi në një moment delikat. Pasi Mohamed Salah kritikoi klubin, ai u la jashtë delegacionit që udhëtoi për në Itali.
Por edhe pa Salahun, Liverpooli shënoi fitore të rëndësishme. Në pjesën e parë skuadrës angleze iu anulua një gol pas rishikimit të situatës në VAR.
Liverpooli ka pasur telashe me rezultate këtë edicion, ndërsa fitorja në Itali mund të jetë shumë e rëndësishme për skuadrën e Arne Slotit.
Liverpooli në epërsi
Përditësim - Liverpooli ka shënuar golin për 1:0 në ndeshjen ndaj Interit.
Dominik Szoboszlai realizoi nga pika e bardhë në minutën e 88-të. Penalltia u dha pas rishikimit të VAR-it.
Nuk ka gola në pjesën e parë të ndeshjes Inter – Liverpool
Nuk janë shënuar gola në pjesën e parë të ndeshjes mes Interit e Liverpoolit.
Është kjo ndeshja kryesore e mbrëmjes në Champions.
Në fakt kampioni anglez realizoi, por pas rishikimit të gjatë të situatës në VAR, goli u anulua për lojë me dorë.