Dy skuadrat me emrin Prishtina u takuan të shtunën në stadiumin “Fadil Vokrri”, për përballjen e xhiros së 24-t të Superligës së Kosovës në futboll.
Dhe si Prishtina ashtu edhe Prishtina e Re, fituan nga një pikë nga ky ballafaqim.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNdeshja u mbyll me rezultatin e barabartë, 1:1.
Për Prishtinën ishte lëshim i pikëve në garën për titull kampioni, kurse për Prishtinën e Re, pikë e rëndësishme në garën për mbijetesë.
Prishtina mbetet pa fitore në katër ndeshjet e fundit, ku ka ecuri prej dy barazimeve e dy disfatave.
Dy barazime e një disfatë i ka Prishtina e Re në tri ndeshjet e fundit.
Prishtina kaloi në epërsi në minutën e 37-të. Mario Ilievski e shënoi golin e epërsisë, që u pranua pas rishikimit të situatës në VAR nga gjyqtari Egzon Dakaj.
Ilievski u asistua nga Blend Baftiu, që përfitoi pas gabimit të një futbollisti kundërshtar.
Sfida u vendos me golin e sulmuesit Astrit Berisha, që shënoi në minutën e 73-të.
Prishtina mbetet në pozitën e tretë me 38 pikë, kurse Prishtina e Re në fundin e tabelës i ka 23 pikë.
