Shefi ekzekutiv i Bayern Munichut, Jan-Christian Dreesen, e ka kritikuar UEFA-n që e ka deleguar gjyqtarin 38-vjeçar, Joao Pinheiro, për ndeshjen kthyese të gjysmëfinales mes Bayernit dhe Paris Saint-Germainit.
Bayerni dhe PSG-ja barazuan 1:1, ndërsa tutje avancoi skuadra parisiene, që e fitoi ndeshjen e parë 5:4.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoGjyqtair portugez Pinheiro pati disa momente për të cilat u kritikua shumë. Kritika ndaj tij dhe UEFA-s dha edhe Dreesen.
“Është e habitshme se si në gjysmëfinale është një gjyqtar që nuk ka qenë i pranishëm asnjëherë në një gjysmëfinale dhe i ka vetëm 15 ndeshje si gjyqtar i Ligës së Kampionëve. Kjo është e pazakontë dhe ndoshta kjo i shpjegon disa vendime të tij”, ka deklaruar Dreesen.
Dreesen i është referuar momentit të prekjes me dorë nga Nuno Mendes në minutën e 29-të, ku do të mund të ndëshkohej me kartonin e dytë të verdhë e të përjashtohej loja. Rast diskutabil ishte edhe prekja me dorë e Joao Nevesit në zonë.