Albion Rrahmani ka pësuar lëndim para ndeshjeve që Kosova i luan në nëntor me Slloveninë dhe Zvicrën, në kuadër të kualifikimeve për Botërorin 2026.
Rrahmani u zëvendësua në minutën e 24-t në ndeshjen e Spartës së Pragës ndaj Rakowit polak.
Nuk është raportuar për një lëndim të rëndë. Mediat çeke kanë shkruar se ai nuk është ndier mirë dhe vendin e tij e zuri Lukas Harslin.
Rezultati nuk ndryshoi deri në fund dhe u mbyll pa gola.
Sparta ka katër pikë në tri ndeshje, një më pak se Rakowi.