Udhëtim të vështirë do të ketë Liverpooli në kuadër të xhiron e 17-të të Premier Leagues. Liverpooli takohet me Tottenhamin, që për kundërshtar do ta ketë edhe në gjysmëfinale të Kupës së Ligës.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNdeshja Tottenham – Liverpool zhvillohet të dielën nga ora 17:30 dhe e mbyll xhiron interesante në Premier League.
“Të kuqtë” vlerësohen favoritë para kësaj ndeshjeje, por Tottenhami shfaqi lojë të mirë ndaj Manchester Unitedit të enjten mbrëma, kur fitoi 4:3 në çerekfinalen e Kupës së Ligës.
Liverpooli është i pari në tabelë dhe ka 36 pikë nga 15 ndeshje. Chelsea është në vendin e dytë me 34 pikë, nga 16 ndeshje të luajtura.
Në 23 ndeshjet e fundit Liverpooli ka arritur 20 fitore.
Në ballafaqimet e ndërsjella, Tottenhami i ka fituar vetëm dy nga 25 takimet e fundit të zhvilluara ndaj Liverpoolit në të gjitha garat, ndërsa ka 17 humbje. Gjashtë ndeshje tjera janë mbyllur baras.
Liverpooli në gjysmëfinale të “Carabao Cup” e mposhti Southamptonin, 2:1.
Në këtë periudhë të kampionatit, Liverpooli nuk ka qenë i pari që prej vitit 2020.
Nëse fiton do ta përsëriste atë sukses.
Tottenhami është i dhjeti me 23 pikë nga 16 ndeshje.
Xhiroja do të hapet me ndeshjen Aston Villa – Manchester City, që luhet të shtunën nga ora 13:30.
Kampioni në fuqi i Anglisë, City, në 11 ndeshjet e fundit në të gjitha garat e ka vetëm një fitore, tetë humbje e dy barazime.
Renditet i pesti me 27 pikë.
Arsenali të shtunën nga ora 18:30 luan në udhëtim te Crystal Palace, ndërsa ndeshja tjetër interesante, Everton – Chelsea, zhvillohet të dielën nga ora 15:00.
Manchester Unitedi takohet të dielën me Bournemouthin, nga ora 15:00.