Fitore e vështirë e Chelseat ndaj Pafosit
Chelsea ka shënuar fitore shumë të vështirë ndaj Pafosit, në xhiron e parafundit të stinorit të rregullt të Ligës së Kampionëve.
Chelsea fitoi me gol të mesfushorit Moises Caicedo. Ai shënoi në minutën e 78-të.
“Blutë” me fitore e mbajnë vendin e tetë me 13 pikë.
Pafosi ndërkohë mbetet në pozitën e 30-të me gjashtë pikë.
Të mërkurën mbrëma, fitore realizuan edhe Athletic Bilbao dhe Newcastle United.
Bilbao me shumë mund fitoi në udhëtim tek Atalanta, 3:2. Bilbao në pozitën e 23-të i ka tetë pikë, ndërsa Atalanta ka 13 pikë në vendin e 13-të. Berat Gjimshiti e kompletoi ndeshjen në qendër të mbrojtjes, te skuadra italiane.
Ndërkohë, Newcastle me rezultatin 3:0 fitoi ndaj PSV Eindhovenit, skuadrës holandeze.
Newcastle i Premier Leagues ka 13 pikë në vendin e shtatë. PSV-ja mbetet me tetë pikë.
Kane i pandalshëm, Bayerni nuk lejon befasi
Harry Kane ka shpërthyer në fillim të pjesës së dytë për tjetër fitore të Bayernit në Champions.
Të mërkurën mbrëma, kampioni gjerman fitoi 2:0 ndaj skuadrës belge, Royale Union.
Sulmuesi anglez shënoi për 1:0 në minutën e 52-të dhe për 2:0 në minutën e 55-të. Golin e dytë Kane e shënoi nga penalltia. Ai humbi penallti në minutën e 81-të dhe kështu edhe rastin për “hat-trick”.
Gjiganti bavarez luajti prej minutës së 63-të me një lojtar më pak në fushë. Kim Min-Jae u ndëshkua me kartonin e dytë të verdhë.
Bayerni është i dyti me 18 pikë dhe do të kualifikohet direkt në një të tetën e finales së Championsit.
Unioni i ka vetëm gjashtë pikë në vendin e 31-të.
Liverpooli fiton bindshëm ndaj Marseilles
Fitore bindëse ka shënuar Liverpooli i trajnerit Arne Slot të mërkurën në mbrëmje, në ndeshjen e xhiros së shtatë të fazës së ligës në Champions.
“Të kuqtë” e mposhtën 3:0 skuadrën e Marseilles në udhëtim.
Dominik Szoboszlai realizoi me mjeshtëri nga gjuajtja e lirë në minutën e parë të shtesës në pjesën e parë.
Geronimo Rulli shënoi autogol për 2:0 në minutën e 72-të, kurse Cody Gakpo në minutën e 93-të e vendosi rezultatin përfundimtar.
Liverpooli me fitore zë vendin e katërt me 15 pikë, aq sa ka edhe Real Madridi i treti.
Marseille mbetet me nëntë pikë në vendin e 19-të.
Barça pëson dy gola por fiton në Pragë
Ndonëse ka pësuar dy gola, Barcelona ka shënuar fitore të pritur ndaj Slavia Pragës në Çeki.
Barça e fitoi 4:2 ndeshjen e parafundit të fazës së ligës në Champions.
Vasil Kushej shënoi golin e parë për Slavian në minutën e 10-të.
Për 1:1 realizoi Fermin Lopez në minutën e 34-t. I njëjti lojtar shënoi në minutën e 42-të për 2:1 në të mirë të kampiones së Spanjës.
Por Robert Lewandowski devijoi topin në portën e tij në minutën e 44-t për 2:2.
Me këtë rezultat përfundoi pjesa e parë.
Në të dytën për Barçën shënuan Dani Olmo në minutën e 63-të dhe Lewandowski në minutën e 70-të.
Barcelona është e nënta me 13 pikë. Në xhiron e fundit do ta kërkojë kualifikimin direkt në një të tetën e finales. Slavia është e 34-ta me tri pikë dhe pa gjasa për avancim.
Juve mposht Benfican, Zhegrova në stol
Juventusi ka shënuar fitore të rëndësishme në xhiron e shtatë të fazës së ligës në Champions.
Të mërkurën mbrëma në Torino, Juve fitoi 2:0 ndaj Benficas portugeze.
Fitorja e skuadrës italiane u sigurua në pjesën e dytë. Khephren Thuram shënoi për 1:0 në minutën e 55-të. Ndërkohë në minutën e 64-t për 2:0 realizoi Weston McKennie.
Juve me fitore doli në vendin e 15-të me 12 pikë. Ka siguruar avancimin në fazën e plejofit.
Benfica mbetet me gjashtë pikë.
Edon Zhegrova mbeti në stol te Juventusi.
Skuadra portugeze, Benfica, humbi penallti në minutën e 81-të.
Mbyllen pjesët e para në Champions, dramë në ndeshjen Slavia Praga - Barcelona
Pjesa e parë e ndeshjes Slavia Praga – Barcelona ishte dramatike dhe u shënuan plot katër gola.
U mbyll 2:2.
Ndeshjet e së mërkurës mbrëma i takojnë xhiros së parafundit të stinorit të rregullt të Championsit.
Vasil Kusej shënoi për vendësit në minutën e 10-të, para se Fermin Lopez t’i shënonte dy gola për Barcelonën në minutat 34 dhe 42.
Robert Lewandowski një minutë para fundit të pjesës së parë, i barazoi shifrat në 2:2, pas autogolit të shënuar.
Liverpooli është duke fituar në udhëtim te Marseille me golin e shënuar nga Dominik Szoboszlai, në minutën e parë shtesë të pjesës së parë. Hugo Ekitikes për pozitë jashtë loje iu anulua një gol në minutën e 23-të.
Me rezultatin 2:0 është duke fituar Neëcastle United ndaj PSV-së, kurse Atalanta po e mposhtë Athletic Bilbaon 1:0.
Pjesa e parë e ndeshjes Juventus – Benfica ishte e shpejtë, me raste shënimi nga të dyja ekipet, por u mbyll pa gola.
Edon Zhegrova nuk e fitoi rastin si titullar te Juventusi.
Për futbollistin e Kosovës mund të ketë minuta në pjesën e dytë.
Pa gola u mbyllën edhe pjesët e para të ndeshjeve Bayern Munich – Royale Union dhe Chelsea – Pafos.