Inspektorati Policor i Kosovës ka arrestuar një zyrtar policor nën dyshimin për përfshirje në veprimtari të kundërligjshme që lidhen me organizimin e skemave piramidale dhe bixhozit të paligjshëm.
Me autorizim të Prokurorisë Themelore në Ferizaj, IPK-ja të enjten ka zhvilluar hetime duke përdorur masa të fshehta, përfshirë edhe simulimin e korrupsionit. Gjatë këtij operacioni, është arrestuar në flagrancë një zyrtar policor nga Stacioni Policor në Shtërpcë, në kuadër të Drejtorisë Rajonale të Policisë në Ferizaj.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoI dyshuari, sipas hetimeve fillestare, ka pranuar një shumë prej 2,000 eurosh, e cila dyshohet të jetë pjesë e një shume më të madhe, në lidhje me aktivitetet e kundërligjshme që përfshijnë organizimin e skemave piramidale dhe bixhozit të paligjshëm.
Me vendim të prokurorit të rastit, zyrtari policor është ndaluar për 48 orë.
Ai dyshohet për veprën penale “Organizim i skemave piramidale dhe bixhozit të paligjshëm”.
Hetimet lidhur me rastin janë në vazhdim.