Dyshohet se një person ka vrarë veten në Dumnicë të Podujevës

Një person është gjetur i vdekur mbrëmjen e së dielës në fshatin Dumnicë e Epërme të Podujevës. Burimet e KOHËS thonë se personi i gjinisë mashkullore, me inicialet S.S., rreth të gjashtëdhjetave dyshohet se e ka kryer vetëvrasje.

Policia e Kosovës e ka konfirmuar se është gjetur një person pa shenja jete.

“Sot rreth orës 18:00, kemi marrë informatën për një person të lënduar, në fshatin Dumnicë të Podujevës. Menjëherë pas marrjes së informatës në vendin e ngjarjes kanë dalë njësitet e nevojshme policore dhe ekipi mjekësor, të cilët kanë konstatuar vdekjen e viktimës. Aktualisht zyrtarët policor, në koordinim me prokurorin e shtetit janë duke punuar për të ndriçuar dhe sqaruar të gjitha rrethanat që kanë të bëjnë me këtë rast", ka thënë në një përgjigje për KOHËN Flora Ahmeti, zëdhënëse e Policisë së Kosovës për rajonin e Prishtinës.

Burimet i thanë KOHËS se viktima ka qenë duke jetuar në periferi të qytetit të Podujevës.