Policia ka bërë të ditur se ka ekstraduar nga Anglia në Kosovë një vendas të enjten, i cili kërkohej me urdhërarrest ndërkombëtar.
I dyshuari ishte arrestuar më parë nga autoritetet angleze, pasi kërkohej nga institucionet e drejtësisë së Kosovës për veprat penale “vrasje në tentativë” dhe “shkaktim i rrezikut të përgjithshëm”.
Policia njofton se ekstradimi është mundësuar falë bashkëpunimit të ngushtë ndërmjet institucioneve të Republikës së Kosovës dhe atyre të Mbretërisë së Bashkuar.
Pas kthimit në Kosovë, i dyshuari u është dorëzuar njësive përkatëse policore për vazhdimin e procedurave të mëtejme ligjore.