Është gjetur pa shenja një grua rreth moshës 80-vjeçare në lagjen “Ulpiana” në Prishtinë të enjten, ka njoftuar Policia e Kosovës.
Policia tha se rreth orës 13:45 ka marrë informata se në rrugën “Imzot Nikprelaj” gjendet një person pa shenja jete.
“Menjëherë pas marrjes së informatës policia ka dalë në vendin e ngjarjes ku ka ftuar edhe mjekët emergjentë, të cilët kanë konstatuar se viktima, grua rreth 80 vjeç, është pa shenja jete. Aktualisht policia me kujdes të shtuar po trajton të gjitha rrethanat që karakterizojnë ngjarjen”, ka njoftuar për KOHËN, zëdhënësi i Policisë për rajonin e Prishtinës, Agron Borovci.
