Një person është gjetur pa shenja jete në mëngjesin e së premtes në Prishtinë, ka njoftuar Policia në raportin e saj 24-orësh.
Rasti është raportuar më 20 qershor, rreth orës 07:32.
Viktima është një mashkull kosovar, dhe sipas dyshimeve të para, ai ka rënë nga kati i tretë i një ndërtese të pabanuar.
Në vendin e ngjarjes kanë dalë njësitë përkatëse të policisë, ndërsa me vendim të prokurorit, trupi i pajetë është dërguar në Institutin e Mjekësisë Ligjore për obduksion.
