Dy persona janë raportuar të zhdukur në rajonin e Prizrenit në 24 orët e fundit.
Në fshatin Piranë, një grua ka raportuar se vajza e saj e mitur është larguar nga shtëpia të hënën dhe nuk është kthyer më. Ajo ka thënë se nuk është hera e parë që vajza largohet nga shtëpia. Rasti po hetohet.
“Fsh. Piranë, Prizren 28.04.2025 – NN. Ankuesja femër kosovare, ka informuar se vajza e saj e mitur është larguar nga shtëpia dhe nuk është kthyer më. Sipas ankueses ajo është recidiviste. Rasti është duke u hetuar”, thuhet në njoftimin e Policisë.
E në fshatin Gjonaj të Prizrenit një person ka njoftuar se nëna e tij, që është me çrregullime mendore, është larguar nga shtëpia dhe se ai nuk di për vendndodhjen e saj.
“Fsh. Gjonaj, Prizren 30.04.2025-11:00. Ankuesi mashkull kosovar, ka njoftuar se nëna e tij është larguar nga shtëpia dhe nuk dihet për vendndodhjen e saj. Sipas ankuesit dyshohet se viktima ka çrregullime mendore”, thuhet në njoftim.
