Art News – Mburojat e kaltra tani mbrojnë 34 lokalitete arkeologjike në të gjithë Libanin derisa vendi po ndërmerr hapa për të mbrojtur trashëgiminë e tij kulturore mes përshkallëzimit të sulmeve ajrore dhe tokësore nga Izraeli, njoftoi Ministria e Kulturës e Libanit. Këto mburoja sinjalizojnë se vendet janë të mbrojtura sipas marrëveshjeve ndërkombëtare për pasurinë kulturore gjatë kohës së luftës.
Ministri i Kulturës, Ghassan Salameh, i ka thënë Agjencisë Kombëtare të Lajmeve të Libanit se ky veprim synon të përmbushë Konventën e Hagës të vitit 1954, e cila kërkon mbrojtjen e trashëgimisë kulturore – përfshirë monumentet dhe veprat e artit – nga shkatërrimi gjatë konflikteve të armatosura.
“Ministria nuk qëndroi duarkryq”, ka thënë Salameh, duke theksuar se ai iu drejtua drejtpërdrejt drejtorit të Përgjithshëm të UNESCO-s, Khaled Anani, që në ditën e parë të konfliktit për të siguruar që të gjitha palët të respektojnë konventën. “Mburojat janë vendosur në vendet arkeologjike në mënyrë që armiku të jetë i vetëdijshëm për to dhe të respektojë Konventën”, ka shtuar ai.
Në vitin 2014, 34 lokalitete historike morën statusin e mbrojtjes nga UNESCO-ja, menjëherë pas një sulmi ajror izraelit pranë Baalbekut, një kompleks tempujsh romakë në Listën e Trashëgimisë Botërore të UNESCO-s. Vendimi është marrë gjatë një seance emergjente të Komitetit për Mbrojtjen e Pasurisë Kulturore në Rast Konflikti të Armatosur, ku mori pjesë edhe këshilltari i Libanit në UNESCO. Megjithatë, Salameh ka thënë se disa hapësira kulturore libaneze ende mbeten jashtë mbrojtjes së UNESCO-s.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoSipas raportit, konflikti më i gjerë midis SHBA-së Izraelit dhe Iranit – i cili është përhapur në jug të Libanit pas një sulmi ajror të udhëhequr nga Hezbollahu ndaj Izraelit – tashmë ka shkaktuar dëme në objekte kulturore dhe zona të trashëgimisë në të gjithë vendin. Lokaliteti arkeologjik Al-Bass në Tiro ka pësuar dëmtime, së bashku me 11 biblioteka publike në Liban ku tri janë shkatërruar plotësisht dhe rreth dhjetë janë dëmtuar pjesërisht.
Një zëdhënës i UNESCO-s ka thënë më herët këtë muaj se agjencia “tashmë po e mbështet Libanin, duke u komunikuar të gjitha palëve koordinatat gjeografike të lokaliteteve në Listën e Trashëgimisë Botërore, si dhe atyre me rëndësi kombëtare për të ndihmuar në parandalimin e çdo dëmtimi të mundshëm”.