-
Përktheu:
Vita Abrashi-Kajtazi
- 18 janar 2025 12:27
- Shpërndaje në:
Qeveria e SHBA-së ka ndarë një shpërblim prej 590 milionë dollarësh për kompaninë “Moderna”, për krijimin e vaksinës kundër gripit të shpezëve, duke përforcuar përpjekjet e vendit për të luftuar rritjen e infeksioneve tek njerëzit, raporton Reuters.
Ky shpërblim është shtesë nga 176 milionë dollarët që Departamenti i Shëndetësisë dhe Shërbimeve Njerëzore (HHS) dha vitin e kaluar për përfundimin e zhvillimit dhe testeve të një vaksine mRNA kundër gripit të shpezëve H5N1. Shpërblimi do të mbështesë gjithashtu zgjerimin e studimeve klinike për deri në pesë nëngrupe të tjera të gripit pandemik, tha “Moderna” të premten.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Variantet e gripit të shpezëve kanë dëshmuar të jenë veçanërisht të paparashikueshëm dhe të rrezikshëm për njerëzit, në të kaluarën. Përshpejtimi i zhvillimit të vaksinave të reja do të na lejojë të qëndrojmë përpara dhe të sigurojmë që amerikanët të kenë mjetet që u duhen për të qëndruar të sigurt”, ka thënë sekretari i HHS-së, Xavier Becerra.
Prodhuesi i ilaçeve ka deklaruar se po përgatitet të avancojë vaksinën eksperimentale, mRNA-1018, në provat e fazës së vonë bazuar në të dhënat paraprake nga një studim i fazës së hershme dhe të mesme dhe ka plane për të prezantuar të dhënat në një takim mjekësh në të ardhmen.
Aksionet e kompanisë u rritën me 5% në 35.8 dollarë të premten.
Që nga prilli, pothuajse 70 njerëz në SHBA, shumica prej të cilëve punëtorë të fermave, janë infektuar me gripin e shpezëve, ndërsa virusi ka qarkulluar mes grupeve të shpezëve dhe tufave të lopëve.
Shumica e infeksioneve tek njerëzit kanë qenë të lehta, por një i vdekur u raportua në Louisiana javën e kaluar.
Sipas Qendrës për Kontrollin dhe Parandalimin e Sëmundjeve në SHBA, rreziku për publikun e përgjithshëm nga gripi i shpezëve është i ulët dhe nuk ka pasur më prova të transmetimit nga personi në person.