-
Përktheu:
Vita Abrashi-Kajtazi
- 5 mars 2026 13:30
- Shpërndaje në:
Këngëtari britanik Harry Styles ka treguar se dëshiron të martohet dhe të krijojë familje në të ardhmen e afërt. Artisti 32-vjeçar ka thënë se kjo dëshirë u forcua edhe më shumë pasi pa tre nga miqtë e tij më të afërt të martoheshin.
Styles, i cili që nga muaji gusht i vitit 2025 është në lidhje me aktoren Zoë Kravitz, ka thënë se ka bërë një reflektim serioz për jetën dhe për atë që dëshiron në pesë vjetët e ardhshme.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Kam bërë një bisedë shumë të sinqertë me veten time: ‘Si dua të duket jeta ime pas pesë vjetësh?’ Pastaj mendova: ‘Çfarë ndryshimesh duhet të bëj për t’iu afruar asaj jete?’ Nuk dua të jem ai tipi që është vetëm, por thotë: ‘Të paktën ia dola’”, ka thënë Styles në një intervistë për Zane Lowe në platformën Apple Music, ka raportuar FemaleFirst.
Ai ka shtuar se dëshiron një jetë të plotë dhe marrëdhënie të forta me njerëzit që e rrethojnë.
“Dua të jem i përmbushur. Dua të kem marrëdhënie të mira me njerëzit, miqësi të forta. Dua familje. I dua këto gjëra. Kjo më bëri të mendoj: ‘Çfarë duhet të bëj që të krijoj hapësirë që këto gjëra të ndodhin?’ Nuk mund të pres thjesht që ato të më ndodhin vetvetiu”, ka thënë ai.
Sipas tij, partnerja ideale është dikush që e sfidon dhe e shtyn të bëhet versioni më i mirë i vetes.
“Ata të mbajnë përgjegjës për personin që ti e di se dëshiron të jesh. Të pranosh dobësitë është e rëndësishme, por kur dikush të sfidon për diçka, në fakt është një dhuratë”, ka thënë ai.
Styles ka folur edhe për këngën “American Girls”, pjesë e albumit të tij të ri “Kiss All the Time. Disco, Occasionally”, që publikohet më 6 mars.
Ai ka thënë se frymëzimi për këtë këngë i erdhi pasi pa tre miq të tij të martoheshin.
“Për mua kjo këngë është disi e vetmuar në shumë mënyra. Pashë tre nga miqtë e mi më të afërt të martoheshin. Të shohësh ata të besojnë në diçka dhe të rrezikojnë për të gjetur diçka vërtet përmbushëse ishte shumë domethënëse”, ka thënë ai.
Ai ka shtuar se të gjesh personin e duhur është një përvojë e veçantë.
“Ka një lloj magjie kur gjen personin e duhur me të cilin dëshiron të jesh. Por duke parë miqtë e mi të martohen kuptova se kjo nuk vjen pa pasiguri dhe pa rrezik”, ka thënë ylli.
Këngëtari ka treguar se kjo periudhë reflektimi e ka bërë të mendojë më seriozisht për jetën e tij.
“Të ndalesh dhe ta shohësh jetën nga një këndvështrim më i gjerë të bën të pyesësh: ‘Çfarë dua vërtet në jetën time?’ Kam shumë gjëra rreth meje gjatë gjithë kohës, por për t’i pasur këto gjëra duhet të krijosh hapësirë për to”, ka thënë ai.