-
Përktheu:
Vita Abrashi-Kajtazi
- 27 mars 2026 14:55
- Shpërndaje në:
Artisti i njohur, Lionel Richie, ka një mesazh të qartë për këdo që dëshiron të bëhet i famshëm: “duhet të pëlqesh njerëzit dhe të pranosh humbjen e privatësisë që vjen me suksesin”.
Këngëtari 76-vjeçar, i njohur për hitin “Hello”, është pjesë e skenës muzikore që nga vitet ’60 dhe thotë se fama nuk është vetëm përfitim, por edhe sakrificë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoSipas tij, kushdo që synon suksesin duhet të mendojë mirë nëse është i gatshëm të përballet me vëmendjen e vazhdueshme të publikut dhe të jetë në gjendje të komunikojë me fansat.
“Unë gjithmonë u them njerëzve: me suksesin vijnë edhe sakrifica… Shpresoj që t’ju pëlqejnë njerëzit. Sepse nëse nuk ju pëlqejnë, ja si do të tingëllojë kjo: Kaloni gjysmën e parë të karrierës duke thënë: ‘Më shikoni mua, më shikoni mua, më shikoni mua…’ Dhe pastaj më në fund bëheni të famshëm: ‘Mos më shikoni, mos më shikoni, mos më shikoni’”, ka thënë ai në podcast-in “Artist Friendly” me Joel Madden, ka raportuar FemaleFirst.
Ai ka shtuar se kushdo që dëshiron të jetë i suksesshëm duhet të lidhet me njerëzit.
“Dëshironi të jeni të famshëm dhe të pasur pa njerëzit? Nuk funksionon kështu. Duhet të jeni në gjendje të lidheni me ta”, ka thënë ylli.
Gjatë bisedës, Joel, i cili është i martuar me vajzën e Lionelit, Nicole Richie, vuri në dukje se këngëtari sillet gjithmonë me shumë respekt ndaj fansave.
Richie ka theksuar se nuk do të donte kurrë të injoronte dikë.
“E dini çfarë është? Dikur kam qenë i padukshëm. Ka njerëz që… kanë shumë frikë nga ju dhe duan të thonë diçka. E sheh në fytyrën e tyre. Duan të flasin me ty. Dhe për mua, t’i injoroj ata do të ishte gjëja më e keqe… Kam një shprehje: Ndonjëherë takon personin që e ke idhull dhe pendohesh që e ke takuar. I kam premtuar vetes se nuk do të jem kurrë ai person. Kurrë”, ka thënë ai.
Richie ka theksuar se mirësjellja duhet të vlejë për të gjithë, jo vetëm për fansat, por edhe për stafin dhe ekipin me të cilin punon.
“Të duhen vetëm pesë sekonda për të thënë: ‘Faleminderit, si je?’ Kaq…E dini çfarë përhapet shpejt? Kur dikush thotë: ai ishte një njeri shumë i keq. Unë gjithmonë e lidh me mbjelljen e farave. Nëse mbjell fara të këqija, merr rezultate të këqija. Asgjë nuk rritet. Nëse ndërton një karrierë mbi negativitetin, ajo do të të kthehet mbrapsht”, ka thënë këngëtari.