Përdoruesit e Instagramit nuk do të mund të dërgojnë më mesazhe direkte ultra-private, pasi funksioni është çaktivizuar globalisht.
Heqja e enkriptimit “end-to-end” (E2EE) në mesazhe përbën një kthesë të madhe nga kompania Meta, e cila më parë e kishte promovuar këtë teknologji si standardin më të lartë të privatësisë së përdoruesve, raportoi BBC.
E2EE është forma më e sigurt e komunikimit online - duke lejuar vetëm dërguesin dhe marrësin të shohin mesazhet - por prej kohësh është kundërshtuar nga aktivistë dhe organizata që thonë se ajo mundëson përhapjen e përmbajtjeve ekstreme online pa mundësi ndërhyrjeje nga autoritetet.
Kjo do të thotë se vendimi i Metas është mirëpritur nga grupe të ndryshme, përfshirë organizata për mbrojtjen e fëmijëve, por është dënuar nga mbrojtësit e privatësisë.
Me çaktivizimin e E2EE, Instagrami tani do të ketë qasje në të gjithë përmbajtjen e mesazheve direkte, përfshirë fotografitë, videot dhe mesazhet audio.
Edhe
Instagrami mohon sulmin kibernetik pas emaileve masive për ndryshim të fjalëkalimit
Në vitin 2019, Meta premtoi se do ta implementonte këtë teknologji në komunikimet e Facebookut dhe Instagramit, duke deklaruar se “e ardhmja është private”.
Kompania përfundoi implementimin në Facebook Messenger në vitin 2023 dhe më vonë e bëri funksionin opsional në Instagram, me plane për ta bërë automatik.
Por, pas shtatë vitesh, Meta ka vendosur të mos vazhdojë më me zgjerimin e këtij sistemi në Instagram, i cili tani do të ofrojë vetëm enkriptim standard.
Enkriptimi standard do të thotë se ofruesi i shërbimit të internetit mund të ketë qasje në materiale private nëse është e nevojshme. Ky është sistemi më i zakonshëm në shumicën e shërbimeve të mëdha online, si Gmail.
Vendimi është mirëpritur nga grupet për mbrojtjen e fëmijëve, përfshirë NSPCC, e cila prej kohësh kishte paralajmëruar se kjo teknologji mund t’i vinte fëmijët në rrezik.
Nga ana tjetër, aktivistët e privatësisë thonë se ky është një hap prapa.
Që nga viti 2019, Meta kishte mbrojtur planet e saj për implementimin e E2EE, pavarësisht kritikave, ndërsa punonte edhe me sfidat teknike për ta sjellë këtë teknologji në Facebook dhe Instagram.
Kompania nuk e njoftoi publikisht vendimin për të hequr dorë nga implementimi në Instagram.
Edhe
WhatsAppi sjell veçori të re - komunikim pa numra telefoni
Në vend të kësaj, ajo përditësoi në heshtje kushtet e përdorimit të aplikacionit në mars.
“Mesazhet me enkriptim end-to-end në Instagram nuk do të mbështeten më pas datës 8 maj 2026. Nëse keni biseda të prekura nga ky ndryshim, do të shihni udhëzime se si të shkarkoni media ose mesazhe që dëshironi t’i ruani”, thuhej aty.
Meta u tha gazetarëve se vendimi ishte marrë sepse shumë pak përdorues po e aktivizonin funksionin.
Megjithatë, komentuesit thonë se përdorimi i funksioneve opsionale shpesh mbetet i ulët, pasi kërkesa që përdoruesit ta aktivizojnë vetë krijon pengesa shtesë.
Instagram kishte deklaruar më parë se mesazhet direkte nuk përdoren për trajnimin e inteligjencës artificiale.
Muajin e kaluar, Meta i njoftoi punonjësit se klikimet dhe aktiviteti i tyre në pajisjet e punës do të fillonin të mblidheshin si të dhëna për trajnimet e modeleve të inteligjencës artificiale të kompanisë.
Deri vonë, përhapja e E2EE konsiderohej si drejtimi kryesor i zhvillimit.
Edhe
Si po e anashkalojnë rusët perden digjitale të hekurt të Putinit?
E2EE është aktiv si standard në Signal, ËhatsApp, Facebook Messenger, iMessage të Apple dhe Google Messages.
Telegrami e ofron si opsion, por jo automatikisht.
