Kryetari aktual i Prishtinës, Përparim Rama, që është kandidat i LDK-së për edhe një mandat në kryeqytet, është takuar të mërkurën me mësimdhënësit.
Rama në një postim në Facebook ka thënë se vizioni i tij mbetet i njëjtë, “një Prishtinë që e respekton mësuesin, e fuqizon shkollën dhe e sheh të ardhmen në sytë e çdo nxënësi”.
“Mësimdhënësit janë themeli i një Prishtine që ngrihet mbi dije, barazi dhe mundësi për çdo fëmijë. Çdo hap përpara i arsimit në kryeqytet mban vulën e përkushtimit të tyre, njerëz që rrisin gjenerata me dije, durim dhe dashuri. Vizioni ynë mbetet i njëjtë: një Prishtinë që e respekton mësuesin, e fuqizon shkollën dhe e sheh të ardhmen në sytë e çdo nxënësi. Ky rrugëtim vazhdon bashkë, me angazhim të palëkundur për kushte më të mira në arsim”, ka shkruar Rama në Facebook.
Rama në balotazhin më 9 nëntor do të përballet me kandidatin e Lëvizjes Vetëvendosje, Hajrullah Çeku.
